Pwy Ydym Ni
Y Cyngor Ceiropractig Cyffredinol (CCC) yw'r rheoleiddiwr ar gyfer ceiropractyddion yn y DU, Ynys Manaw a Gibraltar. Rydym yno i sicrhau diogelwch cleifion sy'n derbyn triniaeth ceiropractig. Rydym yn gorff statudol annibynnol a sefydlwyd gan Senedd y DU, ac sy'n atebol iddi, i reoleiddio'r proffesiwn ceiropracteg.
Yr Ymgynghoriad Hwn
Ceisia'r ymgynghoriad hwn eich mewnwelediadau ar ein dogfen arfaethedig:
Canllawiau ar Sancsiynau
Mae'r canllawiau wedi'u dylunio i gynorthwyo Pwyllgorau Ymddygiad Proffesiynol a Phwyllgorau Iechyd i wneud penderfyniadau priodol a chyson wrth osod sancsiynau (yn dilyn canfyddiad o UPC) ar geiropractydd cofrestredig.
Cwblhau'r Ymgynghoriad
- Darllenwch y ddogfen cyn ymateb i holiadur yr ymgynghoriad.
- Gallwch ateb yr holiadur yn Gymraeg neu'n Saesneg trwy doglo'r gosodiad iaith (de uchaf).
- Er ein bod wedi ceisio cadw'r holiadur yn fyr, gallwch gadw'ch cynnydd ar ddiwedd bob tudalen a dychwelyd ato yn nes ymlaen.
- Gallwch hefyd lawrlwytho'ch atebion i'r holiadur (ar y dudalen olaf) os ydych yn awyddus i gadw copi at eich cofnodion eich hun.
- Sicrhewch eich bod wedi pwyso'r botwm "Gorffen Arolwg" ar ddiwedd yr holiadur i sicrhau bod eich barn yn cael ei ystyried.
Datganiad Datgelu Gwybodaeth
Efallai y bydd angen cyhoeddi neu ddatgelu gwybodaeth yn yr ymatebion, gan gynnwys gwybodaeth bersonol, o dan gyfundrefnau mynediad at wybodaeth (Yn bennaf Deddf Rhyddid Gwybodaeth 2018, y Rheoliad Cyffredinol ar Ddiogelu Data, Deddf Diogelu Data 2018, a Rheoliadau Gwybodaeth Amgylcheddol 2004).
Mae'r CCC yn rheolwr data wedi'i gofrestru â Swyddfa'r Comisiynydd Gwybodaeth (cyfeirnod Z7121966). Rydym yn defnyddio data personol i gefnogi'n gwaith fel corff rheoleiddio ceiropractyddion. Mae'n bosib y byddwn yn rhannu data gyda thrydydd partïon i gyflawni ein nodau a'n hamcanion statudol, ac wrth ddefnyddio ein pwerau a chyflawni ein cyfrifoldebau.
Trwy gwblhau'r holiadur hwn, rydych chi'n cytuno i GCC ddefnyddio'ch ymatebion, a sylwadau y gallech chi eu cynnig, yn ystod trafod a hyrwyddo canfyddiadau ymgynghori a'r canllaw.
- Os byddwn yn dyfynnu unigolyn, byddwn yn priodoli'r dyfyniad ar sail ei ddiddordeb mewn ceiropracteg (e.e: Dyfyniad gan glaf, Dyfyniad gan geiropractydd).
- Os byddwn yn dyfynnu sefydliad, byddwn yn priodoli'r dyfyniad ar sail disgrifiad o'r sefydliad (e.e: Dyfyniad gan Gymdeithas Broffesiynol, Dyfyniad gan Reoleiddiwr Iechyd, Dyfyniad gan elusen).