Estyn: gwrando, dysgu a newid gyda'n gilydd

Mae’r ymgynghoriad hwn yn ffocysu ar y newidiadau y mae Estyn yn bwriadu eu cyflwyno i’r ffordd y mae’n cefnogi ysgolion a darparwyr eraill. Rydym yn gofyn am eich barn ar newidiadau arfaethedig i drefniadau arolygu o Fedi 2021 ymlaen. Mae’r ymgynghoriad hwn yn ymwneud ag ysgolion ac unedau cyfeirio disgyblion.
 
Rydym yn awyddus i glywed gan ystod o sefydliadau ac unigolion, gan gynnwys unigolion nad yw eu lleisiau bob amser yn cael eu clywed yn ystod ymgynghoriadau.
 
Bydd y wybodaeth a roddwch yn cael ei chadw gennym ni ac ni fydd ymatebion unigol yn cael eu rhannu ag unrhyw un y tu allan i Arad ac Estyn. Defnyddir y wybodaeth i wella sut rydym yn arolygu addysg a hyfforddiant yng Nghymru. Os byddwch chi'n datgelu pwy ydych chi, bydd yn cael ei drin yn gyfrinachol.

Ni ddylai gymryd mwy na 10 munud i gwblhau’r holiadur.  Mae eich barn yn bwysig iawn i ni - diolch yn fawr am eich cyfraniad.