Mae Bwrdd Iechyd Prifysgol Caerdydd a'r Fro yn eich gwahodd i ddweud wrthym am wasanaethau fferylliaeth yn eich ardal. Mae hyn er mwyn helpu'r bwrdd iechyd i gynllunio gwasanaethau i'w gleifion nawr ac yn y dyfodol er mwyn sicrhau eu bod yn diwallu eich anghenion, gan ddefnyddio proses o'r enw 'asesiad anghenion fferyllol'.
Bydd eich atebion yn helpu'r bwrdd iechyd i nodi a oes unrhyw fylchau yn y gwasanaeth, er enghraifft a oes angen fferyllfa mewn ardal benodol, neu a oes angen i fwy o fferyllfeydd ddarparu gwasanaeth penodol.
Gan edrych i'r dyfodol, bydd y bwrdd iechyd yn edrych ar yr hyn a allai newid dros y pum mlynedd nesaf ac a fydd digon o fferyllfeydd yn y mannau cywir, yn rhoi'r gwasanaethau y mae ar bobl eu hangen wrth, er enghraifft, i fwy o dai gael eu hadeiladu.
Mae eich barn chi yn bwysig felly cymerwch ychydig funudau i gwblhau'r holiadur hwn. Rydym yn amcangyfrif y bydd yn cymryd tua 10 i 15 munud i chi ei gwblhau yn dibynnu ar faint yr hoffech ei ddweud wrthym am eich profiad o ddefnyddio fferyllfeydd.
Mae'r holiadur yn ddienw ac ni fydd unrhyw wybodaeth a roddwch yn cael ei chysylltu â chi.
Os hoffech gael rhagor o wybodaeth am yr holiadur neu os oes gennych gwestiynau ynghylch sut i gwblhau'r holiadur, cysylltwch â cav.communitypharmacy@wales.nhs.uk gan gynnwys “Holiadur PNA” ym mhennawd y pwnc.
Mae Bwrdd Iechyd Prifysgol Caerdydd a'r Fro wedi comisiynu Cwmni Buddiant Cymunedol (CBC) Comisiynu Gofal Sylfaenol (PCC) i ddrafftio'r asesiad o anghenion fferyllol. Bydd Comisiynu Gofal Sylfaenol yn cadw eich ymatebion a dim ond at ddiben drafftio'r asesiad o anghenion fferyllol y bydd yn eu defnyddio. Gofynnwn i chi beidio â rhoi unrhyw wybodaeth a allai eich adnabod, fodd bynnag, bydd yr holl ddata a roddir yn eich ymateb yn cael ei gadw gan Comisiynu Gofal Sylfaenol yn unol â Deddf Diogelu Data 1998 a Rheoliad Cyffredinol y DU ar Ddiogelu Data.