Mae Bwrdd Iechyd Caerdydd a’r Fro o dan rwymedigaeth statudol i ddrafftio, ymgynghori ar, a chyhoeddi asesiad o anghenion fferyllol yn unol â Rheoliadau'r Gwasanaeth Iechyd Gwladol (Gwasanaethau Fferyllol) (Cymru) 2020 erbyn 1 Hydref 2026.
Mae'r asesiad o anghenion fferyllol wedi'i gynllunio i asesu darpariaeth bresennol gwasanaethau fferyllol (h.y. y gwasanaethau hynny y mae'r bwrdd iechyd yn eu comisiynu gan fferyllfeydd, contractwyr cyflenwi cyfarpar ar bresgripsiwn a meddygon fferyllol), i ystyried unrhyw amgylchiadau penodol yn y dyfodol lle gallai’r sefyllfa bresennol newid yn sylweddol a nodi unrhyw fylchau presennol ac yn y dyfodol mewn gwasanaethau fferyllol. Mae'r asesiad o anghenion fferyllol yn cynorthwyo'r bwrdd iechyd i benderfynu ar geisiadau gan fferyllfeydd, contractwyr cyflenwi cyfarpar ar bresgripsiwn a meddygon fferyllol ar gyfer adeiladau newydd, ychwanegol neu adleoli, newidiadau i oriau agor neu ddarparu mwy o wasanaethau fferyllol.
Fel rhan o'r broses hon, mae'r bwrdd iechyd yn cynnal proses ymgynghori ar yr asesiad drafft o anghenion fferyllol ac yn gofyn am eich barn ar y ddogfen. Mae'r cyfnod ymgynghori yn dechrau ar 8 Gorffennaf ac yn gorffen ar 6 Medi 2026.
Bydd eich manylion a'ch ymatebion yn cael eu cadw gan PCC CIC, cwmni sy'n gweithio gyda ni ar ein hasesiad o anghenion fferyllol ac yn cael eu rhannu gyda'r bwrdd iechyd, ond dim ond at ddibenion yr ymgynghoriad hwn a datblygu'r asesiad o anghenion fferyllol y byddant yn cael eu defnyddio. Bydd unrhyw ddata personol y byddwch yn ei ddarparu yn cael ei gadw yn unol â'n polisi preifatrwydd.
Os hoffech fwy o wybodaeth am yr ymgynghoriad neu os oes gennych gwestiynau am yr asesiad o anghenion fferyllol, anfonwch e-bost i cav.communitypharmacy@wales.nhs.uk.
Mae'r ddogfen hon ar gael yn Saesneg.