Rydym yn cynnal yr ymgynghoriad hwn i gasglu adborth ar ein canllawiau technegol drafft newydd ar gyfer ysgolion yng Nghymru.
Rhaid i chi ddarllen y canllawiau cyn ymateb i'r ymgynghoriad hwn.
Mae'r canllawiau'n cynghori ar y rhwymedigaethau y mae Deddf Cydraddoldeb 2010 yn eu gosod ar ysgolion mewn perthynas â disgyblion a darparu addysg. Bydd eich atebion i'r ymgynghoriad hwn yn cael eu defnyddio i lywio ein gwaith yn y maes hwn a sicrhau bod y canllawiau a gynigiwn yn ymarferol, yn hygyrch, ac yn egluro'r gyfraith yn glir.
Sut mae eich data yn cael ei brosesu a'i storio:
Rydym yn cynnal ymchwil o dan ein dyletswyddau statudol a dim ond at ddibenion ymchwil y bydd yr wybodaeth a ddarparwch yn cael ei phrosesu o dan y pwerau hyn.
Bydd yr holl wybodaeth yn cael ei storio yn unol â'n hysbysiad preifatrwydd, a byddwn yn cyhoeddi adroddiad ar ein hymchwil.
Peidiwch â darparu unrhyw wybodaeth a allai eich adnabod mewn ymatebion testun rhydd. Bydd cwestiwn ar ddiwedd yr arolwg gyda'r opsiwn i ddarparu eich cyfeiriad e-bost os ydych chi am gymryd rhan mewn ymchwil bellach neu gael eich diweddaru. Bydd unrhyw wybodaeth a ddarparwch yn cael ei gwneud yn ddienw yn ein hadroddiad cyhoeddedig ac ni fyddwch yn cael eich adnabod mewn unrhyw adroddiadau.
Rhoddir cyfle i chi ddarparu enw eich sefydliad os dymunwch.
Efallai y byddwn yn defnyddio meddalwedd deallusrwydd artiffisial (AI) i gefnogi ein dadansoddiad, gyda goruchwyliaeth ddynol yn gwirio allbynnau. Byddwn yn egluro sut mae AI wedi'i ddefnyddio yn yr adroddiad cyhoeddedig.
Efallai y bydd rhywfaint o ddata yn cael ei gasglu drwy wefan SmartSurvey pan fyddwch chi'n cwblhau'r arolwg. I gael gwybod mwy am sut mae SmartSurvey yn prosesu eich data, darllenwch bolisi preifatrwydd SmartSurvey.
Drwy barhau â'r arolwg hwn, rydych chi'n cytuno i drosglwyddo eich ymatebion i gwestiynau o SmartSurvey i'r Comisiwn Cydraddoldeb a Hawliau Dynol ac y gallai trydydd parti brosesu eich ymatebion ar ein rhan.
Cyfarwyddiadau’r arolwg:
Os ydych chi am gadw arolwg sydd wedi'i gwblhau'n rhannol a dychwelyd ato'n ddiweddarach, bydd angen i chi ddarparu eich cyfeiriad e-bost. Ni fydd eich cyfeiriad e-bost yn cael ei gadw gyda gweddill eich ymatebion.
Defnyddiwch y botymau 'Tudalen Flaenorol' a 'Tudalen Nesaf' i symud rhwng cwestiynau. Bydd botwm 'Gorffen yr Arolwg' ar ddiwedd yr arolwg. Fodd bynnag, bydd SmartSurvey yn cadw eich ymatebion yn awtomatig wrth i chi fynd trwy'r arolwg. Mae hyn yn golygu, os byddwch chi'n dechrau'r arolwg ond ddim yn dewis 'Gorffen yr Arolwg', byddwn ni'n dal i dderbyn a dadansoddi'r ymatebion rydych chi wedi'u nodi.
Ar ôl i chi ddewis ‘Gorffen yr Arolwg’, bydd gennych y dewis o gadw neu argraffu eich ymateb. Ni fyddwch yn cael copi o’ch ymateb yn awtomatig, felly gwnewch yn siŵr eich bod yn cadw neu’n argraffu copi os oes ei angen arnoch ar gyfer eich cofnodion.
Drwy barhau â’r arolwg hwn, rydych yn cadarnhau eich bod wedi darllen a derbyn telerau ac amodau’r arolwg ymgynghori hwn a amlinellir yn yr hysbysiad preifatrwydd hwn.