Rydym eisiau eich barn ar anghenion sgiliau yng Nghymru.

Cafodd Sefydliad Dysgu a Gwaith Cymru ein comisiynu gan Lywodraeth Cymru i gynnal Archwiliad Sgiliau Cymru i ddynodi’r sgiliau sydd eu hangen yn awr ac yn y blynyddoedd i ddod i gefnogi a thyfu economi Cymru.

Beth yw Archwiliad Sgiliau Cymru?

Cynhaliwyd yr archwiliad ffurfiol diwethaf o sgiliau yng Nghymru yn 2012 ac mae’r tirlun sgiliau wedi newid yn sylweddol ers hynny ynghyd â newidiadau gwleidyddol, amgylcheddol, cymdeithasol, technolegol ac economaidd mawr. Mae bellach yn amser cynnal archwiliad sgiliau newydd i helpu Cymru i baratoi ar gyfer y dyfodol.

Bydd Archwiliad Sgiliau Cymru yn dod ynghyd â’r dystiolaeth bresennol, dadansoddi’r data sydd ar gael a chasglu barn cynrychiolwyr diwydiant, cyflogwyr, darparwyr sgiliau a rhanddeiliaid allweddol eraill i ddeall anghenion sgiliau yn well. Bydd y canfyddiadau yn helpu i lunio cynllunio a gwneud penderfyniadau gan wneuthurwyr polisi, cyflogwyr, darparwyr addysg a hyfforddiant a rhanddeiliaid eraill o amgylch anghenion sgiliau strategol Cymru.

Fel rhan o Archwiliad Sgiliau Cymru, rydym yn casglu gwybodaeth drwy alwad am dystiolaeth gan randdeiliaid a hoffai gyfrannu tystiolaeth a/neu eu dealltwriaeth am anghenion sgiliau yng Nghymru. 

Pam ydyn ni’n gofyn am dystiolaeth? 

Mae Dysgu a Gwaith Cymru yn cynnal ‘galwad am dystiolaeth’ i gasglu tystiolaeth ar:

• Anghenion cyfredol a’r dyfodol ar gyfer sgiliau yng Nghymru, yn cynnwys sectorau a galwedigaethau allweddol
• Sut mae’r system sgiliau bresennol yn diwallu anghenion sgiliau, yn cynnwys sut mae’r system sgiliau yn diwallu anghenion cyflogwyr
• Beth yw sbardunau allweddol y farchnad lafur yn awr ac yn y dyfodol, a’u heffaith ar y sgiliau sydd eu hangen.
• Sgiliau trawsbynciol sy’n gymwys ar draws sectorau a galwedigaethau, yn cynnwys os yw’r rhain yn fwy cyffredin mewn rhai galwedigaethau neu sectorau
• Sut mae anghenion sgiliau yn amrywio’n rhanbarthol, yn cynnwys effeithiau disgwyliedig cynlluniau datblygu economaidd lleol ar ofynion sgiliau. 

Yr hyn y mae gennym ddiddordeb ynddo?

Rydym yn gwahodd partneriaid i gyfrannu drwy rannu tystiolaeth ysgrifenedig ar bynciau perthnasol ac ateb cyfres o gwestiynau.

Rydym wedi cynnwys opsiwn ar gyfer lanlwytho ffeiliau ar ddechrau’r arolwg. Croesawn bob math o dystiolaeth ac nid oes angen iddi fod wedi cael ei hysgrifennu na’i chyhoeddi gan y person sy’n ateb y galwad am dystiolaeth. Gall hyn gynnwys unrhyw dystiolaeth a gyhoeddwyd neu nas cyhoeddwyd lle mae gennych ganiatâd perthnasol i rannu.

Gallai’r mathau o dystiolaeth gynnwys: 

• Dadansoddiad o ddata sylfaenol neu eilaidd
• Tystiolaeth academaidd neu ymchwil
• Astudiaethau achos
• Adroddiadau gwerthuso
• Prosiectau ymchwil gweithredu
• Tystiolaeth arall o ymarfer effeithlon. 

Ymateb i gwestiynau: Mae’r galwad hwn am dystiolaeth yn cynnwys cwestiynau opsiynol i chi roi eich barn ar anghenion sgiliau cyfredol a’r dyfodol, yn ogystal â’r sbardunau sgiliau yng Nghymru. Rydym wedi cynnwys rhai promptiau ychwanegol i’ch llywio o fewn pob cwestiwn.

Gallwch gael rhagolwg o gwestiynau'r arolwg yma.

Pwy a all ateb?

Yn y galwad hwn am dystiolaeth, hoffem glywed gan:

• Cyflogwyr a chyrff cynrychioli cyflogwyr
• Cyrff sector a gweithlu
• Darparwyr addysg a hyfforddiant
• Undebau llafur
• Llywodraeth Leol a Phartneriaethau Sgiliau Rhanbarthol
• Gwneuthurwyr polisi lleol, rhanbarthol a chenedlaethol
• Ymchwilwyr academaidd
• Trydydd sector, mudiadau cymunedol a mentrau cymdeithasol
• Darparwyr cymorth cyflogaeth
• Unigolion eraill sydd â diddordeb 

Pryd?

Gofynnir i chi gyflwyno ymatebion erbyn Dydd Gwener, 25 Medi 2026 os gwelwch yn dda.

Preifatrwydd 

Mae’r hysbysiad preifatrwydd llawn ar gyfer y Galwad Tystiolaeth hwn ar gael yn y ddolen isod.

Polisi Preifatrwydd

Llywodraeth Cymru yw’r rheolydd data ar gyfer yr ymchwil. Fodd bynnag, bydd Dysgu a Gwaith Cymru yn dileu unrhyw ddata personol a roddir drwy’r alwad am dystiolaeth ac yn gwneud y data craidd yn ddienw cyn ei rannu gyda Llywodraeth Cymru.

Caiff yr wybodaeth a gesglir yn ystod y prosiect ei chynnwys mewn adroddiad a gyhoeddir ar wefan Llywodraeth Cymru ac efallai mewn cyhoeddiadau eraill gan Dysgu a Gwaith Cymru a Llywodraeth Cymru.

Mae cymryd rhan yn yr ymchwil hwn yn fater hollol wirfoddol. Fodd bynnag, mae eich barn a’ch profiadau yn bwysig er mwyn helpu i hysbysu Llywodraeth Cymru.

I gael mwy o wybodaeth, edrychwch ar yr hysbysiad preifatrwydd llawn sydd ar gael ar gyfer y Galwad am Dystiolaeth yma.

Cliciwch Tudalen Nesaf i ddechrau’r arolwg os gwelwch yn dda.